Европа лигаси гуруҳ босқичи 3-тур учрашувида “Бетис” сафарда “Рома” меҳмони бўлиб, 2:1 ҳисобида зафар қучди. Учрашув якунлангач "Бетис" бош мураббийи Мануэль Пеллегрини ўйин ҳақидаги фикрлари билан ўртоқлашди.
"Биринчи бўлимда ўйинни назорат остида ушлаб турдик ва имкониятларга эга бўлдик. Биз бир нечта гол уришимиз мумкин эди. Танаффусдан кейин ўйин тенг курашлар остида кечди, аммо барибир биз уни назорат қилдик. Биз кучли рақибга қарши ўйнадик, аммо шунга қарамай, "Бетис" ғалаба қозонишни хоҳлади", - деди Пеллегрини Sky Sports нашрига.
Уч турдан кейин "Бетис" тўққиз очко билан гуруҳда биринчи ўринни эгаллаб турибди.
