O‘zbekiston futzal milliy terma jamoasi bosh murabbiyi Bahodir Ahmedov Osiyo chempionatining yarim finalida bo‘lib o‘tgan Yaponiyaga qarshi o‘yindan keyin matbuot anjumanida ishtirok etdi.

"Yaxshi o‘yin bo‘ldi. Yaponiyani finalga chiqqani bilan tabriklayman. Bu o‘yinda ko‘p xato qilgan jamoa mag‘lubiyatga uchrar edi. Biz esa ko‘p xato qildik. Bugun omadimiz kelmadi. Futzalchilarimiz ko‘plab vaziyatlarni yuzaga keltirishdi, ammo g‘alaba uchun bu kamlik qildi.

Uchrashuvdan avval barcha o‘yinchilarda maotivasiya yuqori edi. Ammo ikkinchi bo‘limda ular charchab qolishdi va xatolarga yo‘l qo‘yishdi", — dedi Ahmedov.