Ertaga bo‘lib o‘tadigan Superliga 21-turidan o‘rin olgan "Olimpik" - "Neftchi" uchrashuvi prevyusi bilan tanishing.
Superliga debyutanti Toshkentning "Olimpik" jamoasi mamlakatimizning eng yosh klublaridan hisoblanib, 2021 yilda tashkil topgan. Bundan asoosiy maqsad, 2024 yilda Fransiya poytaxti Parijda bo‘lib o‘tadigan yozgi Olimpiada yo‘llanmasini qo‘lga kiritishga harakat qilayotgan O‘zbekiston Olimpiya terma jamoasiga munosib futbolchilarni tayyorlashdan iboratdir.
Temur Kapadze bosh murabbiyligidagi yosh va iqtidorli futbolchilarni o‘z safida jamlagan klub o‘tgan yili Pro liga musobaqalarida omadli qatnashib, Superliga yo‘llanmasini qo‘lga kiritishga muvaffaq bo‘ldi. Jamoa uy uchrashuvlarini poytaxtdagi JAR sport arenasining futbol maydonida o‘tkazmoqda.
"Neftchi" futbol klubi milliy chempionatimiz doirasida "Olimpik" jamoasi bilan shu kungacha Pro ligada 4 marta va Superligada bir marta o‘zaro to‘qnash kelishgan. Bularning 2 tasida "Olimpik" g‘alaba qozongan, 2 ta uchrashuvda murosa ko‘chasi tanlangan va bitta bahsda farg‘onaliklar ustun kelishgan. To‘plar nisbati 7:3 toshkentliklar foydasiga. Qayd etilgan barcha uchrashuv natijalari esa quyidagi ko‘rinishda.
Superliga
10.05.2022y.
"Neftchi"-"Olimpik" 0:0
Pro liga
22.03.2021y.
"Neftchi"-" Olimpik" 0:0
08.06.2021y.
"Olimpik"-" Neftchi" 3:0
24.09.2021y.
"Neftchi"-"Olimpik" 3:2
08.11.2021y
"Olimpik"-"Neftchi" 2:0
