30 yoshli braziliyalik yarim himoyachi Kazemiro bir oydan ko‘proq vaqt ichida "Manchester Yunayted"dan "zerikdi". Bu haqda Todofichajes xabar bermoqda.

Manba bergan xabarga ko‘ra, braziliyalik o‘zining yaqinlari bilan suhbatda "Real"ni tark etganidan afsusda ekanligini, agar imkoni bo‘lsa, vaqtni orqaga qaytarishini, Karlo Anchelotti qo‘l ostida faoliyatini davom ettirishini aytgan.

Kazemironing bunday munosabati mankunianliklar lagerida o‘yin amaliyotining kamligi bilan bog‘liq. Braziliyalik futbolchi jamoani Erik ten Xag boshqarayotganda vaziyat o‘zgarmasligiga ishonmoqda, shuning uchun qishdayoq u klubni tark etish haqida o‘ylamoqda.

Eslatib o‘tamiz, Kazemironing “Real”dan transferi “Manchester Yunayted”ga 70,65 million yevroga tushdi. U 2026 yilning 30 iyuniga qadar shartnoma imzoladi.