"Manchester Siti" bosh murabbiyi Xosep Gvardiola yarim himoyachi Ilkay Gyundoganni rafiqasining so‘zlari tufayli boshqa maydonga tushmasligini aytib, hazillashdi. Avvalroq germaniyalik futbolchining rafiqasi Manchesterda oddiy restoranlar yo‘qligidan shikoyat qilgandi.
Eslatib o‘tamiz, ispaniyalik mutaxassisning shaharda o‘z restorani bor.
"Ular mening muassasamga tashrif buyurishmaganidan afsusdaman. Shundan so‘ng Ilkay "Manchester Siti"da o‘ynamaydi. Ammo jiddiy ravishda men ularni restoranimga taklif qilmoqchiman va ularni bizning taomlarimiz bilan mehmon qilmoqchiman", - dedi Gvardiola Talksport bilan suhbatda.
Gyundogan joriy mavsum Premyer-ligada 8 ta o‘yinda maydonga tushib, 2 ta gol urdi va bitta golli uzatmani amalga oshirdi.
