"Манчестер Сити" бош мураббийи Хосеп Гвардиола ярим ҳимоячи Илкай Гюндоганни рафиқасининг сўзлари туфайли бошқа майдонга тушмаслигини айтиб, ҳазиллашди. Аввалроқ германиялик футболчининг рафиқаси Манчестерда оддий ресторанлар йўқлигидан шикоят қилганди.
Эслатиб ўтамиз, испаниялик мутахассиснинг шаҳарда ўз ресторани бор.
"Улар менинг муассасамга ташриф буюришмаганидан афсусдаман. Шундан сўнг Илкай "Манчестер Сити"да ўйнамайди. Аммо жиддий равишда мен уларни ресторанимга таклиф қилмоқчиман ва уларни бизнинг таомларимиз билан меҳмон қилмоқчиман", - деди Гвардиола Talksport билан суҳбатда.
Гюндоган жорий мавсум Премьер-лигада 8 та ўйинда майдонга тушиб, 2 та гол урди ва битта голли узатмани амалга оширди.
