Chempionlar ligasi doirasida Fransiyaning “PSJ” jamoasiga qarshi jang arafasida Lissabonning “Benfika” jamoasi bosh murabbiyi Rojer Shmid matbuotga intervyu berdi.
“Bu raqibni mag‘lub etish juda qiyin. "PSJ"ga qarshi o‘yinda muvaffaqiyat qozonish uchun yuqori darajadagi o‘yin va futbolchilar o‘rtasida yaxshi aloqalar bo‘lishi kerak.
Messi o‘ynamaydimi? Men uni hali ham dunyoning eng yaxshi futbolchisi deb bilaman. Shu bilan birga parijliklarning boshqa ajoyib futbolchilari bor. Shunday ekan, bor e’tiborimizni o‘z o‘yinimizga qaratishimiz kerak", - deya xabar beradi UEFA matbuot xizmati murabbiy so‘zlaridan.
“PSJ” – “Benfika” uchrashuvi bugun, 11 oktyabr kuni Fransiyada bo‘lib o‘tadi.
