Angliya Premyer-ligasining o‘ninchi turidan o‘rin olgan so‘nggi o‘yinda "Nottingem Forest" "Aston Villa" bilan durang o‘ynadi, jamoalar birinchi bo‘limda gol almashishdi, ammo g‘olibni aniqlay olishmadi.
"O‘rmonchilar" ustozi Stiv Kuper o‘yin natijasini ijobiy qadam sifatida baholamoqda, chunki bungacha uning jamoasi ketma-ket oltita o‘yinda mag‘lub bo‘lgandi.
"Bu to‘g‘ri yo‘nalishdagi qadam. Albatta, uy uchrashuvida siz to‘pga ega bo‘lishni va vaziyat yaratishni xohlaysiz, ammo bizning pozisiyamizda vaziyatga boshqacha qarashimiz kerak. Gol urish orqali ularga o‘yinga qaytishga imkon berdik, lekin ko‘p vaziyatlar yaratishga imkon bermadik. Biz hujumlarda yaxshiroq o‘ynashimiz kerak edi, ammo bu sodir bo‘lmadi", - deya "Nottingem Forest" ustozi so‘zlarini keltiradi Sky Sports.
