Chempionlar ligasi guruh bosqichidan o‘rin olgan "Bryugge"ga qarshi o‘yin arafasida "Atletiko" bosh murabbiyi Diyego Simeone jurnalistlar bilan suhbatlashdi. Xususan, undan Ispaniya top-klubidan ketishi mumkinligi haqida so‘ralgan.

“Har doimgidek o‘zimga ishonchim komil. Men o‘zimni boshqa joyda tasavvur qilyapmanmi? Yo‘q. Men hech qayerga ketmayman", - deya argentinalik mutaxassisning so‘zlarini keltiradi Marca gazetasi.

"Atletiko Madrid" - "Bryugge" uchrashuvi bugun, 12 oktyabr kuni "Vanda Metropolitano" stadionida bo‘lib o‘tadi.

Eslatib o‘tamiz, o‘tgan haftada “matraschilar” belgiyaliklarga 0:2 hisobida imkoniyatni boy bergandi.