"Lasio" prezidenti Klaudio Lotito yarim himoyachi Sergey Milinkovich-Savichga narx belgiladi.
"Men Sergeyning agenti bilan qishki transfer oynasida futbolchini "Yuventus"ga yoki boshqa joyga sotish bo‘yicha kelishuvga ega emasman. Hozir Milinkovich-Savich 120 million yevroga baholanmoqda, uning narxi har oy oshib bormoqda", - deya Lotito so‘zlarini keltiradi Il Messagero.
2022/23 yilgi mavsumda Milinkovich-Savich “Lasio” safida 12 ta o‘yinda maydonga tushib, 4 ta gol urdi va 7 ta golli uzatmani amalga oshirdi. Transfermarkt.com portali 27 yoshli serbning narxini 60 million yevroga baholamoqda.
Avvalroq, futbolchi uchun "Yuventus", "Liverpul", "PSJ" va boshqa bir qator Yevropaning top-klublari qiziqish bildirayotgani haqida xabar berilgandi.