"Лацио" президенти Клаудио Лотито ярим ҳимоячи Сергей Милинкович-Савичга нарх белгилади.
"Мен Сергейнинг агенти билан қишки трансфер ойнасида футболчини "Ювентус"га ёки бошқа жойга сотиш бўйича келишувга эга эмасман. Ҳозир Милинкович-Савич 120 миллион еврога баҳоланмоқда, унинг нархи ҳар ой ошиб бормоқда", - дея Лотито сўзларини келтиради Il Messagero.
2022/23 йилги мавсумда Милинкович-Савич “Лацио” сафида 12 та ўйинда майдонга тушиб, 4 та гол урди ва 7 та голли узатмани амалга оширди. Transfermarkt.com портали 27 ёшли сербнинг нархини 60 миллион еврога баҳоламоқда.
Аввалроқ, футболчи учун "Ювентус", "Ливерпуль", "ПСЖ" ва бошқа бир қатор Европанинг топ-клублари қизиқиш билдираётгани ҳақида хабар берилганди.
