Madridning “Real” klubi yarim himoyachi Eden Azarni tekinga qo‘yib yuborishi mumkin, deb xabar beradi El Nacional.

Manbaning xabariga ko‘ra, klub prezidenti Florentino Peres maoshni to‘lash orqali 31 yoshli belgiyalik futbolchi bilan shartnomani bekor qilishga tayyor. Ta’kidlanishicha, madridliklar rahbariyati Azarning jismoniy formasiga bo‘lgan munosabati tufayli shunday qarorga kelgan.

Yarim himoyachining shartnomasi 2024 yilning yozida yakuniga yetadi. "Real" uni 2019 yilda "Chelsi"dan 115 million yevro evaziga sotib olgandi.

Joriy mavsumda Azar klub safida 5 ta o‘yinda maydonga tushib, 1 ta gol urdi va 1 ta golli uzatmani amalga oshirdi.