Мадриднинг “Реал” клуби ярим ҳимоячи Эден Азарни текинга қўйиб юбориши мумкин, деб хабар беради El Nacional.
Манбанинг хабарига кўра, клуб президенти Флорентино Перес маошни тўлаш орқали 31 ёшли бельгиялик футболчи билан шартномани бекор қилишга тайёр. Таъкидланишича, мадридликлар раҳбарияти Азарнинг жисмоний формасига бўлган муносабати туфайли шундай қарорга келган.
Ярим ҳимоячининг шартномаси 2024 йилнинг ёзида якунига етади. "Реал" уни 2019 йилда "Челси"дан 115 миллион евро эвазига сотиб олганди.
Жорий мавсумда Азар клуб сафида 5 та ўйинда майдонга тушиб, 1 та гол урди ва 1 та голли узатмани амалга оширди.
