"Manchester Yunayted" bosh murabbiyi Erik ten Xag joriy mavsumda APLda ikkita gol urgan va ikkita golli uzatmani amalga oshirgan hujumchi Antoni Marsyalning muhimligiga to‘xtalib o‘tdi.
“Albatta, biz Marsyalga ehtiyoj sezyapmiz. Ba’zida uning yo‘qligi xafa bo‘ladi, chunki men u bizga kerakligini bilaman. Biroq, ba’zi o‘yinchilar safdan chiqqanda, bu muammoni bartaraf qilishga to‘g‘ri keladi", - dedi ten Xag matbuot anjumanida.
Eslatib o‘tamiz, Marsyal yozda "Manchester Yunayted"ni tark etishi mumkin edi, ammo ten Xag rahbariyatdan fransiyalik futbolchini jamoada qoldirishni so‘radi. Antoni o‘tgan mavsumning ikkinchi yarmini ijara asosida "Sevilya"da o‘tkazdi va La Ligada birorta ham gol urmadi.
