- Kilian Mbappe Yevromaydonda gol urish borasida yetakchiga aylanib oldi. U bu borada Ferens Pushkashni ortda qoldirgan. Ro‘yxatning keyingi pog‘onalarida Gerd Myuller, Samyuel Eto'o, Ueyn Runi, David Trezege, Rayan Giggz, Luis Suares hamda Romariolar mavjud.
- 2022 yilning sentyabr oyida Mbappe YECHLda 35 ta gol urishga erishgan eng yosh futbolchiga aylandi. U shuningdek, 30, 25, 20 va 15 ta gol urgan eng yosh futbolchi ham bo‘lgandi (Messining rekordi yangilangan). YECHLda 10 ta gol urgan eng yosh futbolchi bo‘lish orqali esa, u Benzemadan o‘zib ketgan.
- Mbappe "Barselona"ga qarshi xet-trik qayd etgan 3 ta futbolchidan biridir. Qolaversa, u bir mavsumda katalonlarga qarshi 4 ta gol urgan YECHL tarixidagi ilk hujumchiga aylangan.
- Mbappe "PSJ" tarkibida yevromusobaqalarda eng ko‘p gol urgan futbolchi sanaladi. Bundan tashqari u parijliklar tarixidagi eng yaxshi ikkinchi to‘purardir.
- Kilian Mbappe YECHL chorak va yarim finallarining har ikki davrasida gol urgan tarixdagi eng yosh futbolchidir. Qolaversa, u YECHLning eng yosh to‘purarlari ro‘yxatida yetakchi sanaladi.
- Mbappe YECHL doirasida jami 22 ta jamoaga qarshi bahs yuritgan. Shulardan to‘rttasigina Mbappeni zararsizlantira olgan xolos. Qolganlari bilan bahsda fransuzning omadi chopgan.
- Kilian Mbappe ingliz klublari bilan jami 12 ta o‘yin o‘tkazgan. U "Manchester Siti", "MYU", "Liverpul" hamda "Tottenxem"ning har biriga gol va assistni amalga oshira olgan.
- Mbappe 1998 yildan beri Fransiya tarkibida rasmiy o‘yinda xet-trik qayd etgan ilk hujumchi sanaladi.
- Mbappe Jahon chempionati va uning finalida gol urgan eng yosh futbolchilarning ikkinchisidir.
- Kilian Mbappe futbol tarixidagi eng qimmat o‘smir futbolchi. Umumiy olganda esa bu borada Neymardan keyingi ikkinchi o‘rinda turadi (2017 yil, 166 million funt).
- Mbappe Fransiya ichki chempionatida so‘nggi to‘rt yilning eng yaxshi to‘purariga aylangan. U yangi mavsumda ham shu maqomga ega. Fransiya chempionatining bu boradagi eng yaxshi natijasi beshta "Oltin butsa" sanaladi.
- Kilian Mbappe Fransiya chempionatini to‘purar va eng yaxshi assist muallifi sifatida tugatgan tarixdagi ilk futbolchidir (2021-22).
- Mbappe Fransiyada ketma-ket uch marta "Yil o‘yinchisi" sovrinini qo‘lga kiritgan ilk hujumchi.
- Kilian Mbappe o‘z faoliyati davomida klub va terma jamoa safida jami 361 ta o‘yin o‘tkazgan v 242 ta golga mualliflik qildi. U bu davr mobaynida 14 ta sovrin yutishga muvaffaq bo‘lgan.
ISMATOV J.
