Chempionlar ligasining 4-turida «Portu» mehmonda «Bayer»ni mag‘lub etdi: Galenoning goli va Mehdi Taremining penaltidan 2 goli sabab. Portugaliyaliklir «Atletiko» va «Bryugge» o‘rtasidagi durang evaziga guruhda ikkinchi o‘rinni egalladi va ispanlardan 2 ochko oldinda.

«Portu» darvozaboni Diogo Kosta uchrashuvning bosh qahramoniga aylandi - u Chempionlar ligasi tarixida birinchi bo‘lib bitta o‘yinda golli uzatmani amalga oshirdi va penaltini bartaraf etdi.

Dastlab Kosta o‘yin boshida hisobni ochgan Venderson Galenoga to‘p yetkazib berdi.

“Bu murabbiy o‘ynagan tayyor kombinasiyalardan biri edi. Biz yaxshi ish qildik va muvaffaqiyatga erishdik”, dedi Kosta o‘yindan so‘ng.

«Portu» bosh murabbiyi Serxio Konseysao hammasini tasdiqladi: “Diogo oyoqlari bilan yaxshi o‘ynaydi, to‘pni uzoqqa yetkaza oladi. Raqibning yuqori himoya chizig‘idan unumli foydalanish kerak edi - barchasini Diogo va Galeno oldindan tayyorlangandi.

Keyin esa Kerem Demirbayning penaltidan tepgan to‘pidan so‘ng Kosta jamoasini qutqarib qoldi. Bu «Bayer»ning Kosta tomonidan qaytarilgan birinchi penaltisi emas: bir hafta oldin u Patrik Shikning zarbasini qaytargan edi.

O‘shanda Konseysau shunday degan edi: "Penaltini qaytarish qiyin, lekin u hozirda eng yaxshi portugaliyalik darvozabonlardan biri ekanligini tushunish uchun mening so‘zlarim kerak emas. Diogo instinktiv ravishda penalti qay tarzda amalga oshirilishini taxmin qildi”.

Umuman olganda, Diogo Kosta penaltilar bo‘yicha mutaxassis: u faoliyati davomida ularning uchdan bir qismini qaytargan - 29 tadan 10 tasini, professional faoliyatda 9 tasini va Portugaliyaning 15 yoshgacha bo‘lgan terma jamoasi uchun bittasini.

Diogo Kosta kim?

«Portu» akademiyasi bitiruvchisi bo‘lgan 23 yoshli darvozabon 2019/20 yilgi mavsumda klub safida debyut qilgandi. U 99-raqam ostida o‘ynaydi - u buni «Portu»ning sobiq darvozaboni va klubi afsonasi Vitor Bayaning muxlisi bo‘lgani uchun olgan.

O‘tgan mavsumda Kosta jamoaning birinchi darvozaboni bo‘ldi - u Portugaliya chempionatining 34 turidan 33tasida o‘ynadi va terma jamoadan chaqiruv oldi. U yerda tajribali Rui Patrisioni raqobatda yengdi – Rui Portugaliya terma jamoasining so‘nggi 6ta o‘yinida bor-yo‘g‘i ikkita, Diogo Kosta 4ta o‘yinda maydonga tushdi. Portugaliyalik darvozabonlarda hozir kuchli raqobat bor  («Vulvz»dan Xose Sa ham bor), lekin asosiysi aynan Kosta Qatarga boradi.

Avgust oyida Portugaliyaning Korrero de Manha nashri “Manchester Yunayted” futbolchini o‘z safiga qo‘shib olmoqchiligi va bosh murabbiy Erik ten Xagning shaxsiy iltimosiga ko‘ra, darvozabon 60 million yevro tovon puli to‘lashi kerakligi haqida xabar bergan edi.