"Real Madrid" va "Barselona" o‘rtasidagi asosiy to‘qnashuv shu yakshanba kuni "Santyago Bernabeu"da o‘tkaziladi. Oxirgi Klasiko "ko‘k-anorranglilar"ning 4:0 hisobidagi yirik g‘alabasi bilan yakunlandi - bu ajoyib natija, lekin bu ikki klub tarixida esda qoladigan eng yaxshi natijalardan biri emas.

"Real" va "Barselona" o‘rtasidagi eng sermahsul besh uchrashuv:

11-1. Qirol kubogi 1943 yil

"Real Madrid" "Barsa"ni mag‘lub etdi va kubokning birinchi o‘yinidan so‘ng (0:3) kambek amalga oshirib, finalga yo‘l oldi. Bu tarixdagi eng ko‘p gol urgan "klasiko" bo‘ldi: uchrashuvning bosh qahramoni poker golini urgan Sabino Barinaga bo‘ldi.

8-2. La Liga 1934/1935

"Real Madrid"ning o‘z uyida yana bir yirik g‘alabasi: Ildefonso Sanyudo to‘rtta gol va Xayme Laskano uchta gol urdi. "Qaymoqranglilar" Ispaniya chempionatida oltinchi o‘rinni egallagan "Barsa"ni mag‘lub etishgandi.

7-2. La Liga 1950/51

"Barselona" tarixidagi Madrid ustidan qozonilgan eng yirik g‘alaba. Markos Aurelio va Mateo Nikolau o‘yinda ikkitadan gol urishdi, qolgan gollarga Sesar Rodriges, Mariano Gonsalvo III va Basora mualliflik qildi.

6-1. Qirol kubogi 1957 yil

"Barselona" Ispaniya kubogi chorak finalida "Real"ni mag‘lub etdi. Birinchi o‘yin 2:2 hisobidagi durang bilan yakunlangan bo‘lsa, javob o‘yinida ustunlik kataloniyaliklar tomonida bo‘lgandi. Euloxio Martines to‘rtta gol urdi, qolgan gollarga Ramon Alberto Valverde va Ladislao Kubala mualliflik qilishdi. O‘sha uchrashuvda madridliklarning yagona golini ham "Barsa" futbolchisi kiritdi - Olivelya to‘pni o‘z darvozasiga yo‘lladi.

2-6. La Liga 2008/09

"Bernabeu"da Pep Gvardiola jamoasi Madriddan kuchliroq bo‘lib chiqdi: Messi va Anri ikkitadan gol urishdi, shuningdek Pike va Puyol ham bittadan gol kiritishdi. Ko‘pchilik bu uchrashuvni Gvardiola boshchiligidagi "Barsa"ning asosiy yutuqlaridan biri deb hisoblaydi.

Sizningcha, kelayotgan yakshanba kungi klasiko qanday yakunlanadi?