"Реал Мадрид" ва "Барселона" ўртасидаги асосий тўқнашув шу якшанба куни "Сантьяго Бернабеу"да ўтказилади. Охирги Класико "кўк-анорранглилар"нинг 4:0 ҳисобидаги йирик ғалабаси билан якунланди - бу ажойиб натижа, лекин бу икки клуб тарихида эсда қоладиган энг яхши натижалардан бири эмас.
"Реал" ва "Барселона" ўртасидаги энг сермаҳсул беш учрашув:
11-1. Қирол кубоги 1943 йил
"Реал Мадрид" "Барса"ни мағлуб этди ва кубокнинг биринчи ўйинидан сўнг (0:3) камбэк амалга ошириб, финалга йўл олди. Бу тарихдаги энг кўп гол урган "класико" бўлди: учрашувнинг бош қаҳрамони покер голини урган Сабино Баринага бўлди.
8-2. Ла Лига 1934/1935
"Реал Мадрид"нинг ўз уйида яна бир йирик ғалабаси: Ильдефонсо Саньюдо тўртта гол ва Хайме Ласкано учта гол урди. "Қаймоқранглилар" Испания чемпионатида олтинчи ўринни эгаллаган "Барса"ни мағлуб этишганди.
7-2. Ла Лига 1950/51
"Барселона" тарихидаги Мадрид устидан қозонилган энг йирик ғалаба. Маркос Аурелио ва Матео Николау ўйинда иккитадан гол уришди, қолган голларга Сесар Родригес, Мариано Гонсальво III ва Басора муаллифлик қилди.
6-1. Қирол кубоги 1957 йил
"Барселона" Испания кубоги чорак финалида "Реал"ни мағлуб этди. Биринчи ўйин 2:2 ҳисобидаги дуранг билан якунланган бўлса, жавоб ўйинида устунлик каталонияликлар томонида бўлганди. Эулохио Мартинес тўртта гол урди, қолган голларга Рамон Альберто Вальверде ва Ладислао Кубала муаллифлик қилишди. Ўша учрашувда мадридликларнинг ягона голини ҳам "Барса" футболчиси киритди - Оливелья тўпни ўз дарвозасига йўллади.
2-6. Ла Лига 2008/09
"Бернабеу"да Пеп Гвардиола жамоаси Мадриддан кучлироқ бўлиб чиқди: Месси ва Анри иккитадан гол уришди, шунингдек Пике ва Пуйоль ҳам биттадан гол киритишди. Кўпчилик бу учрашувни Гвардиола бошчилигидаги "Барса"нинг асосий ютуқларидан бири деб ҳисоблайди.
Сизнингча, келаётган якшанба кунги класико қандай якунланади?
