"Manchester Yunayted" "Portu" va Portugaliya terma jamoasi darvozaboni Diogu Koshtaga qiziqish bildirmoqda, deb xabar beradi Diario de Noticias.
Manbaning xabariga ko‘ra, ingliz klubi darvozabonni kelasi yozda qo‘lga kiritish variantini ko‘rib chiqmoqda. Mankunianliklar tarkibida portugaliyalik shartnomasi 2023 yilning yozida tugaydigan ispaniyalik darvozabon David de Xea o‘rnini egallashi mumkin.
23 yoshli Koshta joriy mavsumda “Portu” safida 13 ta o‘yinda maydonga tushib, 12 ta gol o‘tkazib yuborgan. Uning klub bilan shartnomasi 2026 yilning yoziga qadar mo‘ljallangan.
