"PSJ" rahbariyati o‘tgan yozda hujumchi Kilian Mbappega uchta eng yaxshi futbolchini sotib olishga va’da bergan, deb xabar beradi Get French Football News.
Manbaga ko‘ra, fransuz klubi va’daga ko‘ra, "Inter" himoyachisi Milan Shkrinyar, "Manchester Siti" yarim himoyachisi Bernardu Silva va "Bavariya"dan "Barselona"ga o‘tgan hujumchi Robert Levandovskini sotib olishi kerak edi.
Aynan shu va’da tufayli 23 yoshli Mbappe "PSJ"da qolishga va "Real"ga tekinga o‘tmaslikka rozi bo‘ldi. Hujumchi parijliklar bilan 2025 yilning yoziga qadar yangi shartnoma imzoladi.