Kataloniyaning "Barselona" klubi yaqinlashib kelayotgan transfer oynasida uch nafar eng yaxshi futbolchilari bilan xayrlashishni rejalashtirmoqda. Bu haqda Sport.es nashri xabar bermoqda.
Manbaga ko‘ra, "ko‘k-anorranglilar" ish haqi fondini sezilarli darajada kamaytirmoqchi, shu sababli ular bir qancha qimmatbaho futbolchilardan voz kechish kerak. Jamoani tark etishi mumkin bo‘lgan futbolchilar ro‘yxatida himoyachilar Jerar Pike va Jordi Alba, shuningdek, yarim himoyachi Frenki de Yong bor.
Oldinroq jamoani yarim himoyachi Serxio Buskets ham tark etishi xabar qilingandi.
"Barselona" Ispaniya La Ligasida birinchi o‘rinni egallab turibdi. Xavi Ernandes shogirdlari ertaga "Real"ga qarshi bahs olib boradi.
