Madridning “Real” klubi himoyachisi Rafa Maringa “PSJ” qiziqish bildirmoqda, deya xabar beradi Marca.
Parijliklar Milan Shkrinyarni "Inter"dan sotib olishni birinchi o‘ringa qo‘yishmoqda, ammo ular kelajak uchun ham o‘yinchilarni ko‘rib chiqmoqdalar - ular orasida Marin ham bor. "PSJ" rahbariyatining fikricha, madridliklar juda yuqori salohiyatga ega bu futbolchiga unchalik e’tibor bermayapti.
Marin dastlab "Sevilya" akademiyasi tizimida bo‘lgan, 2016 yilda "Real"ga o‘tgan. 2021 yildan beri u "Kastilya"da o‘ynamoqda - 37 ta o‘yinda 3 ta gol urgan.