"Napoli" bosh murabbiyi Luchano Spaletti jamoasining A seriyadagi navbatdagi g‘alabasi haqida fikr bildirdi.
Neapolliklar o‘z maydonida “Bolonya”ni 3:2 hisobida mag‘lub etib, turnir jadvalida birinchi pog‘onani saqlab qolishdi. G‘alaba golini 69-daqiqada zaxiradan maydonga tushgan Viktor Osimxen kiritdi.
“Bugungi futbolchi almashtirishlarimiz muhim rol o‘ynadi. Biz bu mavsumda ham, o‘tgan mavsumda ham yaxshi o‘ynadik, endi charchagan raqiblarga qarshi yangi yigitlardan faol foydalanmoqdamiz, bu yaxshi ishladi. Irving Losano nafaqat gol urdi, balki undan keyin ikki-uchta yaxshi imkoniyatga ega bo‘ldi” - dedi Spalletti o‘yindan keyingi matbuot anjumanida.
