"Chelsi" yozda yangi hujumchi olib kelmoqchi.
90Min xabariga ko‘ra, jamoaning asosiy nishoni - "Napoli" hujumchisi Viktor Osimxen.
Qayd etilishicha, “Chelsi” va bosh murabbiy Grem Potter “Inter”da ijara asosida to‘p surayotgan Romelu Lukakuni jamoaga qaytarishni rejalashtirmayapti va uni sotishga harakat qiladi.
Shuningdek, klub "Yuventus" hujumchisi Dushan Vlaxovichga ham qiziqish bildirmoqda, ammo na italyan klubi, na futbolchi transferga qiziqish bildirgan.
"Ko‘klar"ning hozirda asosiy hujumchisi Pyer-Emerik Obameyang bo‘lib, u joriy mavsumda 7 o‘yinda 3 ta gol urgan. Osimxen "Napoli" safida 8 o‘yinda 4 ta gol urgan.
