"MYU"ning sobiq hujumchsi Dion Dablin Krishtianu Ronalduning xatti-harakatiga keskin munosabat bildirdi.

"Mankunianliklar" hujumchisi "Tottenxem" bilan o‘yinda (2:0) kiyinish xonasiga kirib ketdi. Portugaliyalik futbolchi joriy mavsumda ikkinchi marta butun o‘yinni zaxirada o‘tkazdi. Keyinroq esa Ronaldu final hushtagi oldidan "Old Trafford"ni tark etgani ma’lum bo‘ldi.

“Nima qilyapsan?” deb uning tomog‘idan bo‘g‘ib qo‘ygim keladi. Bu to‘g‘ri emas.

Men Ronalduni yaxshi ko‘raman, uni juda hurmat qilaman. O‘ylaymanki, u ko‘proq daqiqa olishi kerak va menimcha, u ko‘pchilikka qaraganda yaxshiroq farq qila oladi. Biroq, o‘yin davom etayotgan edi, uning jamoadoshlari hali ham o‘ynashayotgandi.

Demak, u “menga baribir” deyapti. Agar men kiyinish xonasida bo‘lganimda, bu men uchun unga jamoadoshim sifatida menga tupurganini anglatardi. Bilaman, u "Manchester Yunayted"da ishtiyoq bilan o‘ynashni xohlaydi, lekin u bugun katta xatoga yo‘l qo‘ydi", - dedi "Manchester Yunayted"ning sobiq hujumchisi.