Marselo Brozovich Xorvatiya terma jamoasi safida jarohat olib, sentyabr oyida kasalxonaga tushgan edi. O‘shandan beri yarim himoyachi "Inter" tarkibida o‘ynamadi.
Calciomercato nashri xabariga ko‘ra, Brozovich maydon tashqarisida ishlay boshlagan. Futbolchi yaqin haftalarda jamoa bilan mashg‘ulotlarga qaytishga umid qilmoqda.
Brozovich 6 noyabr kuni "Yuventus"ga qarshi prinsipial o‘yinda maydonga tushishni kutmoqda. Shu bilan birga, xorvatiyalik futbolchi noyabr oyining birinchi oqshomida Chempionlar ligasida “Bavariya” bilan o‘ynashdan umidini yo‘qotmayapti.
2022/2023 yilgi mavsumda 29 yoshli Marselo Brozovich to‘qqizta o‘yin o‘tkazishga muvaffaq bo‘ldi.
