Марсело Брозович Хорватия терма жамоаси сафида жароҳат олиб, сентябрь ойида касалхонага тушган эди. Ўшандан бери ярим ҳимоячи "Интер" таркибида ўйнамади.
Calciomercato нашри хабарига кўра, Брозович майдон ташқарисида ишлай бошлаган. Футболчи яқин ҳафталарда жамоа билан машғулотларга қайтишга умид қилмоқда.
Брозович 6 ноябрь куни "Ювентус"га қарши принципиал ўйинда майдонга тушишни кутмоқда. Шу билан бирга, хорватиялик футболчи ноябрь ойининг биринчи оқшомида Чемпионлар лигасида “Бавария” билан ўйнашдан умидини йўқотмаяпти.
2022/2023 йилги мавсумда 29 ёшли Марсело Брозович тўққизта ўйин ўтказишга муваффақ бўлди.
