"Tottenxem" bosh murabbiyi Antonio Konte hamon klub bilan shartnomasini uzaytirishga shoshilmayapti.
Italiyalik murabbiyning "shporlar" bilan amaldagi shartnomasi joriy mavsum oxirida tugaydi va londonliklar rahbariyati, bir necha bor xabar qilinganidek, mutaxassis bilan hamkorlikni davom ettirmoqchi, lekin hali Konte javob qaytarmagan.
Daily Mail nashri xabariga ko‘ra, Konte ketishni o‘ylayotgani sababli yana bir bor shartnomani uzaytirishdan bosh tortgan. Taxminlarga ko‘ra, italiyalik murabbiy hozirda Massimiliano Allegri boshchilik qilayotgan "Yuventus"ga qaytishga umid qilmoqda.
