Xabaringiz bor, ayni paytda “Navbahor” O‘zbekiston Superligasida 22-tur bahslaridan keyin 43 ochko to‘plagan holda, 2-o‘rinni egallab turibdi.

Jamoa ayni paytgacha raqiblar darvozasiga 26 ta gol urdi. Farg‘onada bo‘lib o‘tgan “Neftchi” – “Navbahor” (1:2) bellashuvida mezbonlar darvozasiga kiritilgan ikkinchi to‘p (Zoran Marushich) namanganliklarning O‘zbekiston milliy chempionatlarida urgan yubiley, ya’ni, 1450-goli sifatida tarixdan joy oldi.

“Navbahor” 1450-gol marrasini Toshkentning “Paxtakor” va Farg‘onaning “Neftchi” klublaridan so‘ng, uchinchi bo‘lib qayd etdi.

Izoh: 2001 yilgacha milliy chempionatlarimizda texnik g‘alabaga erishgan jamoalarga 3 tadan gol yozilgan hamda “Navbahor”ning hisobida shu yilgacha bo‘lgan davrda 3 ta texnik g‘alaba bor.

Biroq, "Navbahor"ning milliy chempionatlarimizdagi barcha ko‘rsatkichlari va ortda qolgan barcha mavsumlarning yakuniy turnir jadvallaridan kelib chiqadigan bo‘lsak, “Navbahor”ning hisobida hozirda 1450 ta gol mavjud.

“Navbahor” PFK matbuot xizmati.