Хабарингиз бор, айни пайтда “Навбаҳор” Ўзбекистон Суперлигасида 22-тур баҳсларидан кейин 43 очко тўплаган ҳолда, 2-ўринни эгаллаб турибди.

Жамоа айни пайтгача рақиблар дарвозасига 26 та гол урди. Фарғонада бўлиб ўтган “Нефтчи” – “Навбаҳор” (1:2) беллашувида мезбонлар дарвозасига киритилган иккинчи тўп (Зоран Марушич) наманганликларнинг Ўзбекистон миллий чемпионатларида урган юбилей, яъни, 1450-голи сифатида тарихдан жой олди.

“Навбаҳор” 1450-гол маррасини Тошкентнинг “Пахтакор” ва Фарғонанинг “Нефтчи” клубларидан сўнг, учинчи бўлиб қайд этди.

Изоҳ: 2001 йилгача миллий чемпионатларимизда техник ғалабага эришган жамоаларга 3 тадан гол ёзилган ҳамда “Навбаҳор”нинг ҳисобида шу йилгача бўлган даврда 3 та техник ғалаба бор.

Бироқ, "Навбаҳор"нинг миллий чемпионатларимиздаги барча кўрсаткичлари ва ортда қолган барча мавсумларнинг якуний турнир жадвалларидан келиб чиқадиган бўлсак, “Навбаҳор”нинг ҳисобида ҳозирда 1450 та гол мавжуд.

“Навбаҳор” ПФК матбуот хизмати.