"Manchester Yunayted" va Angliya terma jamoasining sobiq himoyachisi Gari Nevill "Tottenxem"ga qarshi o‘yinda uchrashuv tugashidan oldin zaxira o‘rindig‘ini tark etib, asosiy tarkibdan chetlashtirilgan "qizil iblislar" hujumchisi Krishtianu Ronaldu bilan bog‘liq vaziyat haqida gapirdi.
"Endi "Manchester Yunayted"ning ko‘p muxlislari Krishtianuni asosiy tarkibga kiritayotganini ko‘rmayapsiz. Jamoa usiz yaxshiroq - ular ko‘proq gol uradi va ko‘proq ochko oladi. "Yunayted" usiz yaxshiroq ko‘rinadi. Ronaldu bilan bog‘liq vaziyatni shu hafta ichida yakunlash kerak. Chunki bu mojaro qachondir nihoyasiga yetishi kerak", - deya Nevildan iqtibos keltiradi Sky Sports.
Avvalroq, "Yunayted" bosh murabbiyi Erik ten Xag hujumchi faqatgina "Chelsi"ga (1:1) qarshi o‘yin uchun tarkibdan chetlatilganini aytgandi.
