"Манчестер Юнайтед" ва Англия терма жамоасининг собиқ ҳимоячиси Гари Невилл "Тоттенхэм"га қарши ўйинда учрашув тугашидан олдин захира ўриндиғини тарк этиб, асосий таркибдан четлаштирилган "қизил иблислар" ҳужумчиси Криштиану Роналду билан боғлиқ вазият ҳақида гапирди.
"Энди "Манчестер Юнайтед"нинг кўп мухлислари Криштиануни асосий таркибга киритаётганини кўрмаяпсиз. Жамоа усиз яхшироқ - улар кўпроқ гол уради ва кўпроқ очко олади. "Юнайтед" усиз яхшироқ кўринади. Роналду билан боғлиқ вазиятни шу ҳафта ичида якунлаш керак. Чунки бу можаро қачондир ниҳоясига етиши керак", - дея Невилдан иқтибос келтиради Sky Sports.
Аввалроқ, "Юнайтед" бош мураббийи Эрик тен Хаг ҳужумчи фақатгина "Челси"га (1:1) қарши ўйин учун таркибдан четлатилганини айтганди.
