Rimning "Lasio" klubidagi holatidan norozi bo‘lgan markaziy yarim himoyachi Luis Alberto uning xizmatlariga qiziqish bildirayotgan "Sevilya"ga o‘tishi mumkin.
Andalusiyaliklar 30 yoshli yarim himoyachini qishki transfer oynasida kelishuvni amalga oshirishni rejalashtirishgan. Albertoning transferi ispan klubiga taxminan 22 million yevroga tushadi.
Eslatib o‘tamiz, Luis “Sevilya” futbol akademiyasi tarbiyalanuvchisi hisoblanadi. U 2016 yildan beri "Lasio"da o‘ynab kelmoqda.
2022/2023 yilgi mavsumda yarim himoyachi Italiya chempionatida o‘nta o‘yin o‘tkazib, uchta gol urgan.













