“Shaxtyor” yarim himoyachisi Mixaylo Mudrik faoliyatini Italiyada davom ettirishi mumkin.
Calciomercato xabariga ko‘ra, "Yuventus" yarim himoyachini ikki yildan beri kuzatib kelmoqda va endi uni sotib olish imkoniyatlarini o‘rganmoqda. Turinliklar allaqachon 21 yoshli futbolchining manfaatlarini himoya qiluvchi agentlik bilan bog‘lanishgan.
Ta’kidlanishicha, Mudrikni "Shaxtyor" 35 million yevroga baholamoqda va "Arsenal" futbolchi uchun kurashda ishtirok etishga tayyor.
Avvalroq, "Shaxtyor" yarim himoyachi uchun 50 million yevrodan ko‘proq pul olmoqchi ekani xabar qilingandi.
Joriy mavsumda Ukraina chempionatida 6 ta o‘yinda Mudrik 3 ta gol urdi va 5 ta golli uzatmani amalga oshirdi.
