"Chelsi" yarim himoyachisi Konor Gallager Chempionlar ligasi guruh bosqichi 5-turi doirasidagi "Zalsburg" ustidan qozonilgan g‘alabadan (2:1) o‘z his-tuyg‘ulari bilan o‘rtoqlashdi. Gallaxer o‘zining YECHLdagi birinchi o‘yinini o‘tkazdi.
“Debyutimdan faxrlanaman. Bu men uchun ajoyib lahza bo‘ldi. Men jamoaga g‘alaba qozonishga yordam berishni xohlardim - bu eng muhimi. Umid qilamanki, men bu bilan to‘xtamayman. Biz muammolarni bosqichma-bosqich, o‘yindan o‘yingacha hal qilamiz.
Har bir o‘yin muhim, taqvimimizda ularning ko‘pi bor. Har bir futbolchi tayyor bo‘lishi kerak. Va har biri o‘z vazifasini maydonda bajaradi. Umid qilamanki, biz yaxshi o‘yin ko‘rsatishda davom etamiz", - deya Gallaxer so‘zlarini keltiradi UEFA matbuot xizmati.
22 yoshli angliyalik futbolchining "ko‘klar" bilan shartnomasi 2025 yilgacha mo‘ljallangan. Yarim himoyachi o‘tgan mavsumni "Kristal Pelas"da ijara asosida o‘tkazdi.
