"Real"ning braziliyalik hujumchisi Vinisius Junior kelajagini Madrid klubi bilan bog‘ladi.
"Besh yildan keyin o‘zimni qayerda ko‘raman? "Real"da! Ishonchim komilki, men bu yerda yana ko‘p yillar o‘ynayman.
Bizda juda ko‘p yosh o‘yinchilar bor - Kamavinga, Valverde, Tchuameni, Militao... Bizda hozir juda yaxshi tarkib bor, uch-to‘rt yildan keyin esa bundan ham yaxshiroq bo‘ladi”, - dedi Vinisius Goal portaliga.
Vinisius Junior “Real” safida 187 ta o‘yinda maydonga tushdi. Ularda braziliyalik 44 ta gol urdi va sheriklariga 48 ta golli uzatma berdi.
Eslatib o‘tamiz, o‘tgan mavsumda "Real" La Liga chempioni va Chempionlar Ligasi kubogini qo‘lga kiritishga muvaffaq bo‘lgandi.
