"Manchester Yunayted" bosh murabbiyi Erik ten Xag jamoa darvozaboni David de Xea Ispaniya terma jamoasining JCH-2022ga boradigan futbolchilar ro‘yxatidan joy olmagani haqida fikr bildirdi.

"Har kimning o‘z qarashi va ma’lum bir futbolchining o‘yiniga bahosi bor. Menimcha, David "Manchester Yunayted"dagi vazifalarini a’lo darajada bajarmoqda. U darvozani himoya qiladi va ko‘p gol o‘tkazib yubormaydi. Bundan tashqari, u oyoqlari bilan yaxshi o‘ynaydi, buni u ko‘p marta isbotlagan. U ajoyib darvozabon”, - dedi ten Xag BBC Sport bilan suhbatda.

2022/2023 yilgi mavsumda de Xea "qizil iblislar" safida 17 ta o‘yin o‘tkazib, 19 ta gol o‘tkazib yuborgan. Sakkizta uchrashuvda darvozabon o‘z darvozasi daxlsizliigini saqlab qoldi.