"Манчестер Юнайтед" бош мураббийи Эрик тен Хаг жамоа дарвозабони Давид де Хеа Испания терма жамоасининг ЖЧ-2022га борадиган футболчилар рўйхатидан жой олмагани ҳақида фикр билдирди.
"Ҳар кимнинг ўз қараши ва маълум бир футболчининг ўйинига баҳоси бор. Менимча, Давид "Манчестер Юнайтед"даги вазифаларини аъло даражада бажармоқда. У дарвозани ҳимоя қилади ва кўп гол ўтказиб юбормайди. Бундан ташқари, у оёқлари билан яхши ўйнайди, буни у кўп марта исботлаган. У ажойиб дарвозабон”, - деди тен Хаг BBC Sport билан суҳбатда.
2022/2023 йилги мавсумда де Хеа "қизил иблислар" сафида 17 та ўйин ўтказиб, 19 та гол ўтказиб юборган. Саккизта учрашувда дарвозабон ўз дарвозаси дахлсизлиигини сақлаб қолди.
