Madridning “Real” klubi Lissabonning “Sporting” himoyachisi Pedro Porroga qiziqish bildirmoqda, deya xabar brmoqda A Bola nashri.

Manbaga ko‘ra, 23 yoshli ispaniyalik futbolchini "qaymoqranglilar" rahbariyati 30 yoshli Dani Karvaxalga o‘rinbosar ko‘rmoqda.

Porroning "Sporting" bilan amaldagi shartnomasi 2025 yilning yoziga qadar tuzilgan. Transfermarkt portali himoyachini 25 million yevroga baholamoqda.

Porro joriy mavsumda lissabonliklar safida 13 ta o‘yinda maydonga tushib, 4 ta golli uzatmani amalga oshirgan.

Eslatib o‘tamiz, futbolchi avvalroq "Jirona" va "Valyadolid" klublarida ham o‘ynagan. 2019 yildan 2022 yilgacha bo‘lgan davrda himoyachi rasman "Manchester Siti"ga tegishli bo‘lgan, ammo "shaharliklar" safida biror marta ham rasmiy o‘yin o‘tkazmagan.