Chempionlar ligasi guruh bosqichining so‘nggi o‘yinida Shotlandiyaning “Glazgo Reynjers” klubi “Ayaks” jamoasidan uchta gol o‘tkazib yuborib, ketma-ket oltinchi mag‘lubiyatini qabul qildi. “Reynjers” ustozi, Jovanni van Bronxorst o‘yin natijasini quyidagicha izohladi:
"Chempionlar ligasi yaxshi boshlandi, saralashdan o‘tdik, ammo guruh barcha farqni ko‘rsatdi. Bu yerda natijaga erishish juda qiyin. "Ayaks" bu o‘yinda yanada tetikroq ko‘rindi, ular o‘tgan dam olish kunlari o‘yin o‘tkazmadi va bizda tayyorgarlik ko‘rish uchun bor-yo‘g‘i ikki kun bor edi. Bu ham jismoniy, ham ruhiy muammo. Albatta, kelasi yil shu yerda bo‘lishni istasak, yaxshiroq ishlashimiz kerak. Bu yil hammasi qiyin bo‘ldi, bu haqiqat", - deydi mutaxassis.
