Чемпионлар лигаси гуруҳ босқичининг сўнгги ўйинида Шотландиянинг “Глазго Рейнжерс” клуби “Аякс” жамоасидан учта гол ўтказиб юбориб, кетма-кет олтинчи мағлубиятини қабул қилди. “Рейнжерс” устози, Жованни ван Бронхорст ўйин натижасини қуйидагича изоҳлади:
"Чемпионлар лигаси яхши бошланди, саралашдан ўтдик, аммо гуруҳ барча фарқни кўрсатди. Бу ерда натижага эришиш жуда қийин. "Аякс" бу ўйинда янада тетикроқ кўринди, улар ўтган дам олиш кунлари ўйин ўтказмади ва бизда тайёргарлик кўриш учун бор-йўғи икки кун бор эди. Бу ҳам жисмоний, ҳам руҳий муаммо. Албатта, келаси йил шу ерда бўлишни истасак, яхшироқ ишлашимиз керак. Бу йил ҳаммаси қийин бўлди, бу ҳақиқат", - дейди мутахассис.