Ispaniya La Ligasi rahbari Xavyer Tebas Lionel Messining "Barselona"ga qaytishi mumkinligi haqida gapirdi.
"Messi yana "Barselona" libosida o‘ynay oladimi, bilmayman, hammasi unga bog‘liq. U qaytadi degan umiddaman”, - dedi La Liga prezidenti Mundo Deportivo bilan suhbatda. Uning fikricha, bunday harakat Messiga ham, Kataloniya jamoasining o‘ziga ham foydali bo‘lardi.
Eslatib o‘tamiz, Leo o‘tgan yili o‘z klubini tark etib, "PSJ"ga o‘tgan edi. Argentinalik futbolchining Fransiya grandi bilan shartnomasi joriy mavsumdan so‘ng yakuniga yetadi.
