"So‘g‘diyona" bilan bellashuvdan keyin "Paxtakor" bosh murabbiyi matbuot anjumanida o‘yin haqida fikrlarini aytib o‘tdi.
- O‘yindan qoniqdim. Mashg‘ulotlarda ishlangan holatlarni bajara oldik. Birinchi bo‘limning o‘zida ko‘plab vaziyatlar yaratdik, o‘yin taqdirini hal qilish uchun imkoniyatimiz bor edi. Ikkinchi bo‘limda ham tezkor gol urib, nazoratni saqlab turdik. Nafaqat natija, balki namoyish etilgan futboldan ham ko‘nglim to‘ldi. Yaxshi saviyada o‘ynadik. Oldimizda yana ikki uchrashuv bor. Ularda ham zafar quchib, kurashni oxirigacha davom ettiramiz.
Himoyachilar harakatlaridan qoniqish hosil qildim. A’zamovda jarohat bor, unga tezroq safga qaytishini tilayman. Raqobat va tanlov imkoniyatining borligi doim yaxshi. Hozir o‘ynayotgan markaziy himoyachilar ishonchli o‘ynashmoqda.
Kelasi yil boshqacha, kuchliroq "Paxtakor"ni ko‘rasiz. Mashg‘ulot va yangi murabbiyning futboliga ko‘nikish uchun hammaga vaqt kerak bo‘ladi. "Paxtakor" o‘zbek futbolining yetakchisi. Biz har doim eng yaxshisi bo‘lish va istalgan raqibni mag‘lub etishga qodir bo‘lishimiz kerak"-dedi Shaskix o‘yindan keyingi matbuot anjumanida.
