Superliga 24-turidan o‘rin olgan “Neftchi” – AGMK (1:3) o‘yinidan so‘ng mehmonlar bosh murabbiyi Mirjalol Qosimov jamoasining ikkinchi bo‘limdagi o‘yini tahsinga sazovor ekanligini va yomg‘irga qaramasdan jamoalar chiroyli o‘yin ko‘rsatganini aytdi.
“Ikki xil bo‘lim guvohiga aylandik. Birinchi taymda o‘yinimiz qovushmadi. Xato evaziga gol qo‘yib yubordik. Ikkinchi taymda esa vaziyatni o‘nglay oldik. Ikkinchi taym uchun futbolchilarimga alohida rahmat”, - deydi Qosimov.
“Maqsad uch ochko edi va unga erishdik. Qolaversa, Botirali Ergashev uchun ham yigitlar dalda bo‘lishdi. Xatodan so‘ng, futbolchida psixologik jihatdan pasayish kuzatilishi mumkin. Shu bois yigitlar jonlarini berib harakat qilishdi va kerakli natijani qo‘lga kiritishdi”.
“Qo‘l ostimda qancha futbolchi bo‘lsa, ularning barchasiga imkon berishga harakat qilaman. Shu bois, maydonga tushgan har bir futbolchi jamoa uchun jon kuydirishi kerak”.
