«Barselona» Chempionlar Ligasining 6-turida «Viktoriya» ustidan 4:2 hisobida g‘alaba qozondi.

Shu tariqa kataloniyaliklar guruh bosqichining barcha o‘yinida o‘z darvozasidan to‘p olib chiqdi. «Ko‘k-anorranglilar» jami 12 ta gol — 5 ta «Bavariya»dan, 4 ta «Inter»dan va 3 ta «Viktoriya»dan o‘tkazib yubordi.

XXI asrda «Barselona» biror marta guruh bosqichining barcha o‘yinlarida gol o‘tkazib yubormagan edi. Eslatib o‘tamiz, 2003/04 yilgi mavsumda jamoa Chempionlar Ligasida ishtirok etmagan.

Ispaniya chempionatida esa kataloniyaliklar himoyasi ancha ishonchliroq harakat qilmoqda. Ortda qolgan 12 turdan so‘ng Xavi shogirdlari 4 ta gol o‘tkazib yubordi (3 tasi «Real»dan, yana biri «Real Sosyedad»dan).

«Barselona» C guruhida 3-o‘rinni egallab, o‘z yurishini Yevropa Ligasida davom ettiradigan bo‘ldi.