"Liverpul" bosh murabbiyi Yurgen Klopp "Tottenxem"ning kuchli tomonlari haqida o‘z fikrlari bilan o‘rtoqlashdi.
Ushbu jamoalar Angliya premyer-ligasining yakshanba kuni Londonda bo‘lib o‘tadigan o‘yinida to‘qnash kelishadi.
Nemis mutaxassisi matbuot anjumanida: «Tottenxem» kabi raqiblar bilan o‘yin uchun hech qachon yaxshi vaqt bo‘lmaydi.
To‘plagan ochkolar farqini hisoblaganim yo‘q, ammo bizga qiyin bo‘lishi aniq. Ular juda uyushqoqlik bilan himoyalanishadi va qarshi hujumlarda xavfli o‘ynashadi, so‘nggi paytlarda o‘yin oxirida ham tez-tez gol urishadi. Biz ishonchli raqib bilan kurashamiz”, - deydi Klopp.
