"Ливерпуль" бош мураббийи Юрген Клопп "Тоттенхэм"нинг кучли томонлари ҳақида ўз фикрлари билан ўртоқлашди.
Ушбу жамоалар Англия премьер-лигасининг якшанба куни Лондонда бўлиб ўтадиган ўйинида тўқнаш келишади.
Немис мутахассиси матбуот анжуманида: «Тоттенхэм» каби рақиблар билан ўйин учун ҳеч қачон яхши вақт бўлмайди.
Тўплаган очколар фарқини ҳисоблаганим йўқ, аммо бизга қийин бўлиши аниқ. Улар жуда уюшқоқлик билан ҳимояланишади ва қарши ҳужумларда хавфли ўйнашади, сўнгги пайтларда ўйин охирида ҳам тез-тез гол уришади. Биз ишончли рақиб билан курашамиз”, - дейди Клопп.
