Milanning «Inter» rahbariyati bosniyalik hujumchi Edin Jekoni o‘z safida saqlab qolish niyatida.

Calciomercato xabariga ko‘ra, "neradzurrilar" rahbariyati ushbu mavsumdan so‘ng shartnomasi yakuniga yetadigan hujumchi bilan bitimni yana bir yilga uzaytirishga tayyor. Eslatib o‘tamiz, Edin o‘tgan mavsumdan beri "Inter" libosida to‘p tepmoqda.

Joriy mavsumda u Italiya grandi tarkibida barcha musobaqalarda 18 ta o‘yin o‘tkazib, 6 ta gol urdi va 3 ta golli uzatmani amalga oshirdi. Jekoning transfer narxi to‘rt million yevroni tashkil qiladi.