Миланнинг «Интер» раҳбарияти босниялик ҳужумчи Эдин Жекони ўз сафида сақлаб қолиш ниятида.
Calciomercato хабарига кўра, "нерадзуррилар" раҳбарияти ушбу мавсумдан сўнг шартномаси якунига етадиган ҳужумчи билан битимни яна бир йилга узайтиришга тайёр. Эслатиб ўтамиз, Эдин ўтган мавсумдан бери "Интер" либосида тўп тепмоқда.
Жорий мавсумда у Италия гранди таркибида барча мусобақаларда 18 та ўйин ўтказиб, 6 та гол урди ва 3 та голли узатмани амалга оширди. Жеконинг трансфер нархи тўрт миллион еврони ташкил қилади.
