Мадейрада Криштиану Роналду ва Жоржина Родригеснинг яширинча никоҳдан ўтаётгани ҳақидаги миш-миш минглаб мухлисларни Фуншал собори олдига тўплади.
2 мингдан ортиқ мухлис собор атрофида йиғилиб, Роналду ва Жоржинанинг тўйига гувоҳ бўлишга умид қилди.
Шу пайт келин ўтирган «Rolls-Royce» автомобилнинг пайдо бўлиши вазиятни янада қизитиб юборди. Минглаб мухлислар телефонларини кўтариб, тўй жараёнини тасвирга олишга ҳаракат қилди.
Бироқ тез орада маълум бўлдики, автомобилдаги келин Жоржина Родригес эмас, никоҳдан ўтаётган куёв эса Криштиану Роналду эмас эди.
Шу тариқа, Роналдунинг ўзи тўйда иштирок этмаган бўлса-да, унинг номи Мадейрада катта шов-шувга сабаб бўлди.
